ಚಹಾ

ಒಣಗಿದ ಎಲೆಗಳ ಕಡುಬಣ್ಣವೇ..
ಕೆನೆಭರಿತ ಹಾಲಿನ ಲಘುಸಿಹಿಯೇ..
ಕಬ್ಬಿನ ರಸದ ಘನರುಚಿಯೇ..
ಅಗ್ನಿಯ ಹಸಿವಿಗೆ ನೀ ಕುದಿಯೇ..

ಸಣ್ಣಗೆ ಬೆಚ್ಚಗೆ ನಿನ್ನ ಆವಿ ಹೊರಬರುತಿರಲು..
ತಣ್ಣನೆ ಕೈಯಲಿ ನಿನ್ನಾವರಿಸಿದ ಬಟ್ಟಲ ಹಿಡಿಯಲು..
ಆಘ್ರಾಣದ ಹಸಿವಿನಿಂದ ನಾಸಿಕವು ಬಿಸಿಯಾಗುತಿರಲು..
ಮೆಲ್ಲಗೆ ನದಿಯಂತೆ ನಾಲಿಗೆಗೆ ತಾಕುವ ಬಿಸಿಹಾಲಿನ ಹೊನಲು..

ಚಹಾ ☕ : ನೀನೆ ಆಗಿರಬಹುದು ಅಮೃತಕೆ ತಿರುಳು...

ಸರಳ‌ಜೀವಿ

ಇಳೆಯ ಮುತ್ತುತಿರಲಿ ಮಳೆ..
ತುಟಿಗಳಿಗೆ ಹಬ್ಬುತಿರಲಿ ಚಹದ ಬಿಸಿ..
ಜಿಹ್ವಕ್ಕೆ ಕೊಳ್ಳಿ ಇಡುತಿರಲಿ ಮಿರ್ಚಿಯ ರುಚಿ..
ಸರಳ‌ಜೀವಿ ನಾನು.. ಬೇಡ ಇನ್ನೇನೂ.😎🙂

ಸಾಲುಮರದ ತಿಮ್ಮಕ್ಕ

ಶಾಲೆ ಕಲಿತ ಕೈಗಳಲ್ಲ ಅವು,ಸಾಲುಸಾಲು ಮರಗಳ ನೆಟ್ಟವು..
ಮಗುವನಾಡಿಸಿದ ಮಡಿಲಲ್ಲ ಅವಳದು, ಬಿಸಿಲಲ್ಲಿ ಬೆಂದವನಿಗೆ ಆಶ್ರಯನಿತ್ತವು..
ತನಗೆಂದು ಆಸ್ತಿ ಮಾಡಲಿಲ್ಲ ಆ ತಾಯಿ.. ಭೂತಾಯಿಗೆ ವನದ ಸಿರಿಯ ದಾನವಿತ್ತಳು..
#ಸಾಲುಮರದ ತಿಮ್ಮಕ್ಕ..

ನಿದ್ರೆ

ನಿದ್ರೆ : ಪರಿಶ್ರಮಿಗೆ ಸಿಗುವ ಸಿಹಿಫಲ,
ಬಳಲಿದವನು ಪಡೆವ ಬಳುವಳಿ,
ಚಿಂತಿಸುವ ಮನಸಿಗೆ ಮರೀಚಿಕೆ, ಆಲಸಿಯ ಕಾರ್ಯಕ್ಷೇತ್ರ, ITಯವನು ಸ್ವತಂತ್ರವಾಗಿ ಕನಸು ಕಾಣುವ ಏಕೈಕ ಮಾರ್ಗ..
#WorldSleepDay -#LetmeSleep😴😴